Taariikh iyo Sooyaal
Hay'adda Isgaarsiinta Qaranka (HIQ) waa hay'adda nidaamisa qaybta isgaarsiinta ee Soomaaliya. Hay'adda waxaa lagu aasaasay Sharciga Isgaarsiinta Qaranka ee 2017, waajibaadkeeduna waa inay xeer-nidaamiso qaybta isgaarsiinta, oo ay ku jiraan isgaarsiinta, internetka, baahinta, Teknoolojiyadda Macluumaadka iyo Isgaarsiinta (ICT), iyo adeegyada e-Ganacsiga ah (eCommerce).
Doorka iyo Mas’uuliyadaha
Hay’adda Isgaarsiinta Qaranka waxay mas’uul ka tahay fududeynta horumarinta qaybta ICT-da, suuragelinta iyo xaqiijinta tartan caddaalad ah oo waara, isku-xirka shirkadaha isgaarsiinta, daahfurnaanta hirgelinta Sharciga Isgaarsiinta, ilaalinta danaha iyo xuquuqda macaamiisha, iyo sii wadidda doorkeeda hay’ad nidaamineed oo madax-bannaan.